Skráning á Íslandsmót í hestaíþróttum

Skráning á Íslandsmót í hestaíþróttum

Deila

 

Hestamannafélagið Sprettur heldur Íslandsmót í hestaíþróttum 18. – 22. júlí 2018 á félagssvæði hestamannafélagsins Fáks í Víðidal.

Að þessu sinni verður Íslandsmót fullorðinna og Íslandsmót barna, unglinga og ungmenna haldið saman. Forkeppni fer fram á tveim völlum dagana 18. – 20. júlí en öll úrslit verða riðin á einum velli 21. – 22. júlí.

Búið er að opna fyrir skráningu á mótið inná www.sportfengur.com og er skráningafrestur til miðnættis 10. júlí.

Skráningargjald er 5000 kr. fyrir barna-, unglinga- og ungmennaflokk auk kappreiðaskeiðgreina og 7500 kr. fyrir fullorðinsflokk.

Eftirfarandi greinar eru í boði:

Meistaraflokkur: fjórgangur V1, fimmgangur F1, tölt T1, tölt T2, gæðingaskeið PP1, 250m skeið P1, 150m skeið P3 og 100m flugskeið P2

Ungmennaflokkur: fjórgangur V1, fimmgangur F1, tölt T1, tölt T2, gæðingaskeið PP1, 100m flugskeið P2 og fimikeppni A2

Unglingaflokkur: fjórgangur V1, fimmgangur F2, tölt T1, tölt T2, gæðingaskeið PP1, 100m flugskeið P2 og fimikeppni A

Barnaflokkur: fjórgangur V2, tölt T1 og fimikeppni A

 

Athugið að það er einn keppandi á vellinum í einu nema í fjórgangi barnaflokki og fimmgangi unglingaflokki en í þeim greinum verða 3 inná í einu og riðið eftir þul.

 

Vakin er athygli á því að í fullorðinsflokki eru einkunnalágmörk í allar greinar. Það er parið, hesturinn og knapinn, sem þurfa að ná lágmörkum (einkunnir parsins mega vera allt að tveggja ára gamlar). Íslandsmótslágmörkin fyrir 2018 má finna hér: https://www.lhhestar.is/is/frettir/islandsmotslagmork-2018

 

Allar frekari upplýsingar um skráningu fást með að senda tölvupóst á spretturmot@gmail.com eða í síma 888-4050.

ENGAR ATHUGASEMDIR

SKRIFA ATHUGASEMD