Suðurlandsdeildin 2019 – undirbúningur hafinn!

Suðurlandsdeildin 2019 – undirbúningur hafinn!

Deila

Suðurlandsdeildin í hestaíþróttum hefur nú farið fram tvisvar sinnum og svo sannarlega hleypt lífi í alla hestamennsku á svæðinu. Nú er undirbúningur fyrir þriðja keppnistímabil Suðurlandsdeildarinnar kominn á gott skrið. Stjórnin hefur hisst og ákveðið hefur verið að gera breytingar á skilgreiningum atvinnumanns og áhugamanns sem og bæta við keppnisgrein.

Atvinnumaður: Allir ásamt ungmennum.

Áhugamaður: Er að lágmarki 22 ára á árinu og má ekki hafa keppt í meistaraflokk undangengið keppnisár.

Liðin verða áfram skipuð 2-3 atvinnumönnum og 3 áhugamönnum. Á hverju kvöldi keppa 2 áhugamenn og 2 atvinnumenn, nema á lokakvöldinu – þá geta allir keppt. Áhugamaður má keppa sem atvinnumaður en atvinnumaður má ekki keppa sem áhugamaður. Áfram verður Suðurlandsdeildin einungis liðakeppni en þrjú stigahæstu liðin verða verðlaunuð í ár.

Suðurlandsdeildin hefst þann 22. Janúar 2019 og verða keppniskvöldin fjögur. Á síðasta kvöldinu verður einnig keppt í skeiði og keppir þá einn áhugamaður og einn atvinnumaður eða tveir áhugamenn fyrir hvert lið í þeirri grein. Ætlast er til að allir liðsmenn keppi a.m.k. einu sinni á tímabilinu.

22. janúar – Fjórgangur

5. febrúar – Fimmgangur

22. febrúar – Parafimi

5. mars – Tölt og skeið

8. mars – Lokahóf

Það eru níu lið sem eiga þátttökurétt í Suðurlandsdeildinni á næsta tímabili. Það eru Krappi, Húsasmiðjan, Heimahagi, Hemla/Hrímnir/Strandarhöfuð, Árbæjarhjáleiga/Herríðarhóll, GG Gröfuþjónusta og VÍKINGarnir, Bakkakot/Kolsholt/Álfhólar, IceWear og Sunnuhvoll/Ásmúli. Þessi lið þurfa að tilkynna fyrir 30. September hvort þau hyggist vera áfram með.

Þegar það liggur fyrir hvaða lið halda áfram verða laus sæti auglýst en þau eru að lágmarki þrjú. Umsóknarfrestur verður til 20. október og þurfa þá allir jafnframt að skila inn upplýsingum um liðsskipan. Þátttökugjald verður óbreytt.

Allar spurningar vegna Suðurlandsdeildar skulu sendar á [email protected].

Sjáumst í Rangárhöllinni í vetur!

ENGAR ATHUGASEMDIR

SKRIFA ATHUGASEMD