Auglýsingar - Senda frétt - Hafðu samband -  -  -  -  -  |   |
|
26.10.2009 15:39 Lífið var svo einfalt Pistill eftir Ragnar Tómasson
Honum varð aldrei orða vant gömlum vini mínum sem nú er látinn. Hann hafði skoðanir á öllu hlutum. Það bíttaði engu þó hann hefði ekkert vit á málunum. En skoðanir hafði hann – og lá ekki á þeim. Honum var mjög uppsigað við alla langskólagengna menn. Sagði að þeir væru “akademískir rugludallar”. Skoðanir þeirra þurfti því ekki að ræða frekar! Ég les fjölmiðla og fylgist með umræðum. Reyni að mynda mér skoðanir á helstu þjóðmálum. Hverjir eru kostir og gallar ESB? Hvað með Icesave málið? Eigum við að taka upp evru eða dollar? Hver ber ábyrgð á Hruninu? Hvernig á að leysa vandamál heimilanna/fyrirtækjanna? Mér gengur ekki vel að komast að niðurstöðu. Þegar ég fylgist með Silfri Egils, Kastljósi eða umræðum frá Alþingi finnst mér ég vera kominn í Heita Pottinn þegar vinur minn “stjórnaði” umræðum. Stundum öfunda ég hann vin minn sem ALLT vissi! Og efaðist aldrei! Lífið var svo dásamlega – og skemmtilega - einfalt. Ragnar Tómasson | Til baka | ||||
