Sextíu og tvö hross fædd á Íslandi hafa hlotið 9.5 fyrir fegurð í reið og ekkert hross hefur hlotið 10 fyrir þann eiginleika, hvorki fædd á Íslandi né í öðru landi. Það verður spennandi að sjá hvort og hvenær það gerist.

Ráslistar og dagskrá Meistaramóts Andvara má sjá hér fyrir neðan. Meistaramótið verður haldið núna um helgina 3-5 september. Tíu forstjórar eru skráðir í forstjóratöltið og verður gaman að sjá hvaða forstjóri ber sigur úr bítum, en engir smá hestar eru skráðir þar til leiks.

Næsta sölusýning Hest.is og Hestafrétta verður haldin 23. september næstkomandi, sem er fimmtudagskvöld fyrir Laufskálarétt. Eins og áður hefur tíðkast veður sýningin tekin upp og sýnd hér á Hestafréttum.

Áður en sölusýning hefst, kl. 13:30 , verður Guðmar dýralæknir í Sandhólaferju með áhugaverðan fyrirlestur, ókeypis aðgangur. Fjöldi glæsilegra hesta verður sýndur og von á fjölda gesta, rífandi stemming ! Skráningargjald er 3.500 á hvern hest.

Gæðingakeppni Léttis og Goða hefst á laugardag kl. 10:00 og hefst á Tölti fullorðinna. Hér er dagsskrá mótsins og ráslistar.    

Framlenging á skráningu til 20:00 í kvöld miðvikudag. Hægt er  að hringja inn skráningu í eftirtalin númer. 893-4425, 692-1058. Og leggja inn á á reikning félagsins: 318-26-15502 kt:4410830419 senda staðfestingu á andvari@andvari.is og setja í skýringu nafnið á knapa.

Farin var fjölskylduferð nú á dögunum á vegum æskulýðsstarfsins hjá hestamannafélaginu Loga.  Ferðin hófst á að heimsækja  Gunnar Arnarsson og Kristbjörgu Eyvindsdóttur á Grænhól. En þau hlutu landbúnaðarverðlaunin 2010 og hafa hlotið heiðursviðurkenninguna Hrossaræktarbú ársins alls fjórum sinnum.

Síðasta mótið í mótaröð meistaradeildar UMFÍ verður haldið í kvöld í Rangárhöllinni og hefst stundvíslega kl. 18.  Hér meðfylgjandi er rásröð keppenda. Við hvetjum hestamenn til að fjölmenna í kvöld og standa við bakið á knöpum og ræktunarbúunum sem þau keppa fyrir.

Skráning í fullum gangi á meistaramót Andvara. Lokað verður fyrir skráningu á miðnætti í kvöld þriðjudaginn 31. ágúst Skráningin fer rafrænt fram á eftirfarandi slóð.  http://gustarar.is/skraning.aspx?mode=add  

Skráning í fullum gangi á meistaramót Andvara. Lokadagur skráninga er  þriðjudagurinn 31. ágúst Skráningin fer rafrænt fram á eftirfarandi slóð.  http://gustarar.is/skraning.aspx?mode=add  

Eins og menn rekur minni til, varð að fresta meistaradeild UMFÍ sem átti að ljúka í lok apríl.  Þá hafði hestapestin tekið sér bólfestu á nokkrum stöðum hér Sunnanlands og ekki talið ráðlegt að boða til síðasta mótsins í mótaröðinni.  Nú hefur hins vegar verið blásið til leiks og mun síðasta mótið verða haldið í Rangárhöllinni þriðjudaginn 31. ágúst og hefst kl. 18.00. 

Kona frá Svíþjóð slasaðist er hún datt af hestbaki í Grænadal fyrir ofan Hveragerði í dag. Lögregla var kölluð út og konan flutt á sjúkrahús. Að sögn lögreglunnar á Selfossi er ekki talið að konan hafi slasast alvarlega en hún var flutt á slysadeild Landspítala í Fossvogi.

Gæðingamót Léttis og Goða verður haldið daganna 3-5 sept og er mótið opið öllum. Skráning er á lettir@lettir.is og lýkur skráningu kl. 12:00 á hádegi 1. sept. Skráningagjald er 2.000 kr. á hverja grein í fullorðinsflokki og á sölusýninguna. Frítt er fyrir börn, unglinga og ungmenni.

Æsispennandi tölt úrslit voru á Íslandsmeistaramótinu núna um helgina. Aldrei hafa jafn mörg hross barist um fyrsta sætið. Það var mjög mjótt á munum á milli fjóru efsta hrossanna, það munaði aðeins 0.01 kommu á milli þeirra efstu. En Viðar Ingólfsson og Tumi frá Stóra-Hofi sigruðu með einkunnina 8.43. Hér fyrir neðan má sjá mynband af úrslitunum.

Eftir A úrslit í  fjórgangi í gær voru afhent verðlaun fyrir besta samanlagðan árangur í fjórgangs- og fimmgangsgreinum í forkeppni á Íslandsmóti. Það var Sörlafélaginn Eyjólfur Þorsteinsson sem gerði sér lítið fyrir og vann báða þessa titla.

Banvæn sýking í hesti af völdum jarðvegsþráðorms (Halicephalobus gingivalis) í heila. Í ágúst 2010 greindist graðhestur með einkenni frá miðtaugakerfinu. Hesturinn leitaði til hægri, missti jafnvægið, fékk hita og varð daufur; versnaði hratt og var aflífaður. Í vefjaskoðun fundust litlir þráðormar, Halicephalobus gingivalis, fundust í heila og hálsmænu. Þáðormurinn Halicephalobus gingivalis lifir annars í jarðvegi. Ormurinn getur smitað hross; sýking algengust í miðtaugakerfinu. Þetta er annað tilfelli af banvænni jarðvegsþráðormasýkingu sem greinist hér á landi í hrossi; fyrsta tilfellið var greint árið 2006

Rannsóknir á Keldum að undanförnu á orsökum smitandi hósta í hrosssum hafa rennt frekari stoðum undir þá tilgátu að bakterían Streptococcus equi subsp. zooepidemicus (S.zooepidemicus) sé orsök veikinnar. Engar vísbendingar hafa hingað til komið  fram um að veirusýking séu frumorsök sjúkdómsins eins og menn héldu í fyrstu.
 

A-úrslitum í fjórgangi var að ljúka. Mette Mannseth og Happadís frá Stangarholti  sigruðu með einkunnina 8,04. Elvar Þormarsson og Þrenna frá Strandarhjáleigu og Eyjólfur Þorsteinsson og Klerkur frá Bjarnanesi voru jafnir í 2 sæti með einkunnina 8,03, keppnin var mjög jöfn og spennandi.  Úrslit eru eftirfarandi:    

Viðar Ingólfsson sigraði A úrslitin í tölti en það var spenna frá byrjun til enda og enginn hafði hugmynd hver myndi hampa titlinum í þetta sinn, en í öðru til þriðja sæti hníf jafnir urðu Jakob og Árborg og Sigurbjörn og Jarl.

Það má segja að Sigurbjörn beri nafn með réttu, en hann er svo sannarlega sigurvegari eða sigur-björn. Hann er búinn að sigra gæðingskeiðið, 250 metra skeiðið og var nú rétt í þessu að sigra 150 metra skeiðið á Óðni frá Búðardal á tímanum 14,67.

Nú liggja fyrir úrslit eftir forkeppni í tölti. Efstur er Viðar Ingólfsson og Tumi frá Stóra Hofi. Viðar og Tumi áttu frábæra sýningu og hlutu 8,50. Í öðru sæti er Sigurður Sigurðsson og Kjarnorka  með einkunnina 8,10 og  í því þriðja varð Jakob Svavar Sigurðsson á Árborg frá Miðey með 8,00. Meðfylgjandi eru úrslit.