Þriðjudaginn 26. júní var hleypt af stokkunum nýrri útgáfu af WorldFeng, upprunaættbók íslenska hestsins www.worldfengur.com. Nýjasta útgáfa þróunarverkfærisins 10g JDeveloper frá Oracle, sem WorldFengur er þróaður í, býður upp á margfalt meiri möguleika í þróun og útliti sem mun sjá sér stað í nýju útgáfunni.
Jafnframt er nýja útgáfan mun hraðvirkari m.a. vegna þess að WorldFengur verður keyrður á öflugum Oracle Application miðlara hjá Skýrr hf. Notendur sjá einnig mikinn mun á útliti kerfsins og möguleikum til að raða listum eftir óskum hvers og eins. Þessi nýja útgáfa á að ráða betur við allan þann fjölda áskrifenda að WorldFeng sem bæst hafa við á síðustu mánuðum og munu halda áfram að bætast við á næstu mánuðum vegna samninga við stærstu aðildarlönd FEIF um frían aðgang allra félagsmanna þeirra að WorldFeng.
